د جوزجان ولایت د ځمکو د غصب د مخنیوي د تخنیکي هیئت د ناستې جوړیدل
د جوزجان ولایت د ځمکو د غصب د مخنیوي د تخنیکي هیئت ناسته د شوال میاشت په ۱۳ نېټه د چهارشنبې په ورځ د دغه هیئت د رئیس او غړو په حضور سره جوړه شوه او له ځینو ساحو څخه هم لیدنه او بررسي وشوه.
په دغې ناسته کې، توظیف شويو ټیمونو پر ۸ کلیو او بېلابېلو ساحو د خپل اجراآتو راپور وړاندې کړ. د وړاندې شویو راپورونو له مخې، په پمپ خانه کلي او د افغانګاز تصدۍ ساحوي څېړنې او بررسۍ بشپړې شوي او ډير ژر به کمېسیون ته واستول شي او د پاتي ساحو بررسۍ په جدیت سره روانې دي.
دغه راز په یاده ناسته کې، په شام اشرف پروژې کې د غصب شویو ځمکو په اړه د تخنیکی هیئت د سکرتریت راپور مطالعه شو او تخنیکي هیئت د دعوا له لورو سره د سندونو د تطبیق له پاره یادې ساحې ته ولاړ.
یاد هیئت له امنیتي مسوولینو سره په ساحه کې ناسته جوړه کړه او د ښاروالۍ او امنیتي لوا د ملکیت په تړاو د رامنځته شوي ستونزې په اړه یې خبرې وکړې. دغه هیئت د اصولي او شرعي حل لارو په پام کې نیولو سره ښاروالۍ ته دنده وسپارله ترڅو د یادې ساحې څېړنې او اصولي سندونه بشپړ او دغه هیئت ته يې وړاندې کړي.
