د کابل ولایت تخنیکي هیئت د سردار محمد داوود خان ښارګوټی بررسي کړ
د کابل ولایت د ځمکو د غصب د مخنیوي تخنیکي هیئت د شوال میاشت په ۱۳ نېټه د چهارشنبې په ورځ د کابل ښار پنځمه ناحیه کې د سردار محمد داوودخان ښارګوټي ته ولاړ او بررسي یې کړ.
یاد هیئت د دغه ښارګوټي تصرف شوې ځمکه، د ښارګوټي له محدودې څخه بهر ځمکې او په دغې محدوده کې سپینې ځمکې چې د اشخاصو لخوا تصرف شوي د ښارګوټي د مسوول استازي په حضور کې سکیچ کړې.
هیئت د یادو ځمکو متصرفین د هغوی له سندونو سره وغوښتل ترڅو استعلام ته ځواب ورکړي او د پورته ساحې د ملکیت د سندونو په اړه هیئت ته سپیناوی ورکړي.
