د سمنګان ولایت د ځمکو د غصب د مخنیوي د تخنیکي هیئت د ناستې جوړیدل
د سمنګان ولایت د ځمکو د غصب د مخنیوي د تخنیکي هیئت ناسته د شوال میاشت په ۹ نېټه د شنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې یاد شوي هیئت د ایبک ښاروالۍ لخوا په ویشل شوې پلاني ساحه کې د یو شخص د ورثې د زمیندارۍ د بررسۍ بشپړولو او د استخباراتو د ریاست د ساحې په اړه بحث وشو او پریکړه وشوه چې د یادې موضوع معلوماتي پاڼې له افرادو او ادارو څخه راټولې او مرکزي کمېسیون ته وړاندې شي.
دغه راز په یاده ناسته کې پریکړه وشوه چې د ایبک ښار په مرکز د چمچق خانې په ساحې کې ۴۱۰۰ جریبه ځمکه د کمېسیون له استول شوي لارښوونې سره سم تثبیت او بررسي شي.
په دغې ناسته کې، د یو لړ اداري مسایلو او د هیئت د لګښتونو په اړه هم بحث وشو او ټینګار وشو چې د بې ځایه لګښتونو مخنیوی وشي.
