د بادغیس ولایت د ځمکو د غصب د مخنیوي د تخنیکي هیئت د ناستې جوړیدل
د بادغیس ولایت د ځمکو د غصب د مخنیوي د تخنیکي هیئت ناسته د روژې میاشت په ۱۲ نېټه د دوشنبې په ورځ د هیئت د رئیس او غړو په حضور سره جوړه شوه او پر امارتي ځمکو د ځینو افرادو او اشخاصو دعواوې په کې بررسي شوې.
په دغې ناسته کې د پستې ځنګل په تاوه ګک ساحه کې د څړځای پر ۵۰۰ جریبه ځمکه د دوه تنو د دعوا موضوع بررسي شوه او مشخصه شوه چې د دعوا یو لوري د څړځای ځمکه په کرنیزه ځمکه تبدیله کړې ده. هغوی ژمنه وکړه چې ساحه بېرته په څړځای اړوي.
دغه راز په دره بوم ولسوالۍ کې پر عامه مرعی ځمکه د دوه تنو نورو د دعوا موضوع او د هغوی د استعلامونو ځوابيې بررسي شوې. یو لوري ویلې وو چې هیڅ ډول سندونه نه لري او بل لوري د مالکیت او د سندونو درلودلو ادعاه درلودله چې له نوموړي څخه سندونه وغوښتل شول.
یو شمېر افراد جلب شول او له یو شمېر نورو څخه ژمنه واخیستل شوه ترڅو د څړځای پر ځمکه هیڅ ډول تصرفات، ویجاړول، پېرودل او پلورل و نه کړي.
