د زابل ولایت د عدليې ریاست اداري ناسته جوړه شوه
د زابل ولایت د عدليې ریاست اداري ناسته، د ۱۴۴۴ هجري قمري کال د روژې میاشت په ۶ نېټه د سه شنبې په ورځ د عدليې رئیس الحاج مولوي عبدالوارث خلیل په مشرۍ او ددغه ریاست د آمرینو او کارکوونکو په ګډون جوړه شوه.
په دغې ناسته کې د عدليې رئیس د موضوع په اړه خبرې وکړې او په ټاکل شوي وخت او مشخصې آجنډا د اداري ناستو پر جوړولو او د مخکنیو ناستو پر تعقیبول یې ټینګار وکړ.
په دغې ناسته کې، د عدليې رئیس ددغه ریاست کارکوونکو ته لارښوونه وکړه چې ورسپارل شوې دندې باید له لایحې او اصولو سره سم اجراء کړي او د اجراآتو او سفرونو راپور په خپل وخت خپور کړي. دغه راز نوموړي د کار د پایلې د معلومولو، د فرمانونو، لارښوونو او لیکوونو د تعقیب او عملي کولو، په ټاکل شوي وخت د حاضرۍ لاسلیک کولو او له تقسیم اوقات سره سم د خدماتي کارکوونکو د چارو د ترسره کولو په اړه، ددغه ریاست کارکوونکو ته لارښوونه وکړه.
دغه راز د عدلیې رئيس ددغه ریاست کارکوونکو ته لارښوونه وکړه چې ددغه ریاست ډیپو د هر کال په پای کې موجودي کړي. په همدې توګه نوموړي په وخت د کارکوونو ارزول، کارونو کې د سپما او نویو مقرر شویو کارکوونکو له پاره د مناسب کاري چاپېریال رامنځته کولو په تړاو لازمې توصیې وکړې.
په پای کې ددغې ناستې ګډونوالو خپل نظرونه او ستونزې مطرح کړې.
