د مدافع وکیلانو د (۴۳) درې څلويښتمې دورې د ارزونې خبرتیا!
د مدافع وکیلانو د ریاست له مخکنۍ خبرتیا سره سم د مدافع وکیلانو د ارزونې بهیر د روان کال په لړم میاشت کې پای ته رسیدله؛ خو د مدافع وکیلانو د غوښتنې پر اساس دغه بهیر د څلورو نورو دورو له پاره تمدید شوی دی چې د روان کال د کب میاشت پورې به دوام ومومې.
د یادې ارزونې دوه دورې د لیندې په ۲۲ او مرغومي په ۲۰ نېټو تېرې شوي او راتلونکې دوره یې په سلواغې میاشت کې جوړیږي.
پردغه اساس هغو مدافع وکیلانو ته چې تر دې دمه له دغه بهیر څخه پاتې خبر ورکول کیږي چې (۴۳) درې څلويښتمې دورې کې د نوم لیکنې له پاره چې ټاکل شوې د سلواغې میاشت ۲۵ نېټه جوړیږي د عدليې وزارت د مدافع وکیلانو ریاست اداري مدیریت ته مراجعه او نوم لیکنه وکړي.
د یادولو وړ ده چې ددغې دورې د نوم لیکنې وروستی نېټه د سلواغې میاشت ۲۴ نېټه ټاکل شوی ده.
