د دارالترجمو ژباړونکو ته د جواز لیک د وېش په اړه د عدلیې وزارت خبرتیا!
د مرکز او ولایتونو د دارالترجمو ټولو مسوولینو ته خبر ورکول کېږي، چې د اصولي سندونو د ژباړې او د رسمي سندونو د تصدیق د چارو په اصولو او اړونده کړنلاره کې له درج شویو حکمونو سره سم مکلف دي د اطلاعاتو او فرهنګ له محترم وزارت څخه د دارالترجمې جوازلیک د لرلو په ترڅ کې د خپلې اړوندې دارالترجمې د رسمي سندونو ژباړونکي له ملي ژبو څخه یوې بین المللي ژبې ته او برعکس یې د عدلیې وزارت د اصولي سندونو د ژباړې او د رسمي سندونو د تصدیق ریاست ته ور وپېژني.
دغه راز د مرکز او ولایتونو د دارالترجمو هغو ژباړونکو ته چې د ژباړې د رسمي اجازه لیک لرونکي دي او رسمي میعاد یې پای ته رسېدلی دی خبر ورکول کېږي چې ډېر ژر د خپل اجازه لیک د تمدید لپاره د عدلیې وزارت د اصولي سندونو د ژباړې او د رسمي سندونو د تصدیق ریاست ته مراجعه وکړي؛ له دې پرته به له سرغړونکو سره شرعي او اصولي چلند وشي.
