د پنجشیر ولایت د عدلیې ریاست د امارت د قضایاو امر معرفی شو
مولوي نور الله عتیق چې په دې وروستیو کې د عدليې وزارت مقام له لوري د پنجشیر ولایت د عدليې ریاست د امارت د قضایاو آمریت د امر په حیث تعیین شوی د ربیع الثاني میاشت په ۱۳ نېټه د سه شنبې په ورځ د دغه ولایت د عدلیې رییس الحاج مولوي سیف الله منصور له لوري د عدلیه ریاست کارکوونکو ته معرفي شو.
د پنجشیر په عدلیې ریاست کې په دغه مناسبت مراسم جوړ شوي وو، د عدلیې رییس د ښاغلي عتیق اهلیت او شهرت په نیکۍ سره یاد کړ ویې ویل چې مولوي نورالله عتیق یو ښه او نیک نومه شخصیت دی.
هغه د امارت د قضایاو نوي امر ته سپارښتنه وکړه چې د اسلامي شریعت د حکمونو په تطبیق او د عدالت په تامین کې هڅه وکړي.
په دغه محفل کې مولوي نورالله عتیق د عدليې رییس او ددغه ریاست کارکوونکو ته ډاډ ورکړ چې د اسلامي شریعت د اصولو او حکمونو په حدودو کې خپل دندې به په بشپړ صداقت، ایماندارۍ او بې طرفۍ سره ترسره کړي.
