د عدليې وزارت استول شوي پلاوي د کندز ولایت له والي سره وکتل

د عدليې وزارت استول شوی پلاوي د دغه وزارت د حقوقي مساعدتونو رییس مولوي رحمت الله حقاني په مشرۍ د هېواد د شمال ولایتونو د عدليې ریاستونو د بررسۍ په لړ کې کندز ولایت ته سفر وکړ. دغه هیئت د ربیع الثاني میاشت په ۱۲ نېټه د دوشنبې په ورځ د کندز ولایت له والي ملا نثار احمد نصرت او ددغه ولایت د سېمه ییزو ادارو له رییسانو سره د کندز ولایت د مقام په دفتر کې وکتل او خبرې وکړې.

دغې ناسته کې د استیناف محکمې رییس، د اسخباراتو مرستیال، ښاروال، د کرنې او ځمکو رییس او د کندز ولایت د عدليې رییس ګډون کړی وو.

په دغې ناسته کې، د عدليې ریاست او اړوندو ریاستونو ترمنځ د لا زیاتې همکارۍ او همغږۍ او د عدليې ریاست د ننګونو او ستونزو او د دغه ولایت خلکو له پاره د اغیزمنو او په وخت خدمتونو وړاندې کولو په منظور بحث او خبرې وشوې.

په دغې ناسته کې، د موجوده ستونزو او ننګونه د حل په منظور حل لارې مشخصې شوې او اړوندو مسوولینو ته لازمې لارښوونوې وشوې.