د معاملو د لارښوونو د اتحاديې په ناسته کې د ننګرهار ولایت د عدليې رییس ګډون
د ننګرهار ولایت د عدليې رییس مولوي فاتح الله فاتح د ربیع الاول میاشت په ۲۸ نېټه د دوشنبې په ورځ د معاملو د لارښوونو د اتحاديې په ناسته کې ګډون وکړ.
په دغې ناسته کې، د عدلیې رییس د موضوع په تړاو وینا وکړه او د معاملو د لارښوونو د اتحاديې جوړیدل يې د همغږۍ، یووالي او روڼتیا په لاره کې یو اغیزمن ګام وباله او ټینګار یې وکړ چې دغه اتحادیه کولای شي د معاملو د لارښوونو د کنترول او بررسۍ امریت په کارونو کې چټکتیا او اغیزمنتوب رامنځته کړي.
دغه راز هغه زیاته کړه چې د دغې اتحاديې په جوړیدلو سره به د معاملو د لارښوونو د بې جوازو دفترونو د خپلسرو فعالیتونو مخ ونیول شي.
په یاده ناسته کې د اتحاديې غړو د اسلامي امارت د اصولو پر تطبیق او پلي کولو هم ژمنه وکړه او زیاته یې کړه چې د نظام مخالفینو ته کور په کرایه نه ورکوي او د کرایه نشین پوره هویت او شهرت د عدليې ریاست په همغږي له امنیتي او کشفي ارګانونو سره شریکوي.
