د غاصبینو له منګلو څخه د یو مسجد د ځمکې د بېرته را ګرځولو په خاطر د ننګرهار ولایت د عدليې ریاست وستایل شو
د ننګرهار د عدليې رییس، امرین او د دغه ریاست مسلکي غړي د جلال اباد ښار د استقلال جامع جومات د شورا لخوا د ستیانلیک په ویشلو، وستایل شول.
د ننګرهار ولایت دعدليې ریاست رییس مولوي فاتح الله فاتح د ربیع الاول میاشتې په ۹ نېټه د چهارشنبې په ورځ د جلال اباد ښار د لومړۍ او څلورمې ناحيو د استقلال جامع جومات د شورا له مسوولینو او د یادو ناحیو له مشرانو سره وکتل او خبريې ورسره وکړې.
د عدلیې رییس د دغې شورا مسوولینو هرکلی وکړ او زیاته یې کړه چې د استقلال جامع جومات ځمکه چې له ډېرې مودې راهیسې د یو شمېر اشخاصو له لوري غصب شوې وه چې له نیکه مرغه د امارت د قضایاو د مسلکي غړو په هڅو، د ننګرهار ولایت مرافعې محکمې خپله پرېکړه د امارت په ګټه صادره کړه او د دغه ولایت اوقافو ریاست ته يې د یادې مدعی بها د سپارلو حکم کړی ترڅو په هغه کې مسجد شریف جوړ شي.
د یادې شورا مسوولینو د عدليې رییس، د امارت د قضایاو امر او دغې قضیې کې د ګمارل شوي څارنوال له هلو ځلو مننه او قدرداني وکړه او زیاته يې کړه چې ستاسو د هڅو او هاندونو پایله وه چې د دغه مسجد ځمکه د غاصبانو له منګولو څخه ازاده شوه.
په پای کې د ننګرهار ولایت د عدليې ریاست مشرتابه د دغې شورا له لوري د ستاینلیک په ورکولو وستایل شول.
