د جلال آباد د معاملو د لارښوونو ټولنې د مالیاتي جرایمو د لغو کولو په اړه د امیرالمومنین د پرېکړې هرکلی وکړ
د ننګرهار عدلیې رییس مولوي فاتح الله فاتح د تېرې اونۍ د پنج شنبې په ورځ د جلال آباد ښار د معاملو د لارښوونو د ټولنې رییس او نورو مسوولینو سره وکتل.
په دغې کتنه کې هغه ټیګار وکړ چې په دغه ښار کې د معاملو د دفترونو کارونه باید منظم او منسجم شي او د قانوني جواز په لرلو سره فعالیت ترسره کړي. همدا راز هغه وویل چې دغه ټولنه باید د عدلیې ریاست د انسجام له ریاست سره همکاره او همغږۍ شي ترڅو د غیر قانوني د معاملو د لارښوونو د دفترونو مخه ونیول شي.
په دغې کتنه کې د ننګرهار عدلیې رییس د جلال آباد د معاملو د لارښوونو د ټولني له رییس او مسوولینو سره له اشخاصو څخه د مالیاتي جرایمو د اخیستلو استفتاء هم شریکه کړه. او زیاته یې کړه چې امیرالمومنین د استفتاء په اړه لارښوونه کړې چې د امام صاحب مذهب د راجع قول پر اساس عمل وشي او د امام صاحب قول په بېلابېلو برخو کې له اشخاصو څخه د مالیاتي جرایمو اخیستل (ناجائز) دي.
د ننګرهار عدلیې رییس وویل د دغه لارښوونې پر اساس، وروسته له دې مالیاتي جرایم نه اخیستل کېږي. د معاملو د لارښوونو د اتحادیي مسوولینو د دغې پرېکړې په هرکلي سره وویل چې دغه پریکړه ستونزو ته د امیرالمومنین جدي پاملرنې او د هغه اخلاص څرګندوي، چې له اسلامي امارت سره به د خلکو د اړیکو د لاپیاوړتیا سبب شي.
