د کوچیانو له پاره د تذکرې د ویش د کړنلارې په باره کې د عدلیې په وزارت کې یوه غونډه جوړه شوه
د کوچیانو له پاره د تذکرې د ویش د کړنلارې د طرحې په باره کې د ذوالقعدې د میاشتې په ۶ نېټه د یکشنبې په ورځ د افغانستان اسلامي امارت د عدلیې وزارت د سرپرست شیخ الحدیث مولوي صاحب عبدالحکیم شرعي په مشرۍ د عدلیې وزارت په مقر کې یوه غونډه جوړه شوه.
په دې غونډه کې د کار او ټولنیزو چارو وزارت سرپرست مولوي عبدالولي څارنوال، د سرحدونو او قبایلو چارو وزارت مرستیال شیخ صاحب محمد اسماعیل غزنوي، د احصایې او معلوماتو د ملي ادارې سرپرست داکتر فقیر محمد زیار، د ښار جوړولو وزارت مالي او اداري معین محترم حافظ محمد امین فاروقي او د کرنې، اوبو لګولو او مالدارۍ وزارت مالي او اداري رئیس مولوي عبدالاحد خلیل ګډون کړی وو.
په دې غونډه کې د کوچیانو له پاره د تذکرې د ویش د کړنلارې د طرحې په باره کې اوږدې او هر اړخيزې خبرې وشوې. د دې غونډې غړو دغه طرحه د یو لړ اصلاحي نظرونو او وړاندیزونو په وړاندې کولو سره تأیید کړه. دغه کړنلاره ۱۲ مادې لري.
