مدافع وکیلانو د اسلامي امارت د کابینې له پرېکړې څخه ملاتړ وکړ
د شمالي زون په شمول ډېرو نورو ولایتونو کې تر سلو زیاتو مدافع وکیلانو د اړوند ولایتونو د ریسانو سره په لېدنه کې د اسلامي امارت له دې پرېکړې څخه یې، چې د مدافع وکیلانو انجمن دې په عدلیې وزارت کې مدغم شي خپل ملاتړ څرګند کړ.
د شمالي زون مدافع وکیلانو د بلخ ولایت د عدلیې د ریس سره په لیدنه کې اعلان وکړ، چې دوي د اسلامي امارت د سیاست او برنامو څخه ملاتړ کوي، او د اسلامي امارت د پالیسۍ سره سم د خلکو خدمت ته چمتو دي.
همدارنګه ډېرو نورو مدافع وکیلانو هم پروان،هرات،غور او نورو ولایتونو کې د اړوندو ولایتونو د ریسانو سره په لیدنه کې د افغانستان د اسلامې امارت د دې پریکړې چې د مدافع وکیلانو انجمن دې په وزارت عدلیه کې مدغم شي،هر کلی کړی دی،او دا یې یو نیک ګام بللی دی.
