کندز ولایت کې ۱۳ جریبه امارتی ځمکه استرداد شوه
د کندز ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۹ نېټه د یکشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې، د بوین نوآباد ساحې د ۱۱ جریبه او ۲ بسوې ځمکې، د عسقلان ساحې د ۱ جریب او ۱۸ بسوې ځمکې او د علي آباد ولسوالۍ د طاهریو ساحې د ۱۸ جریبه ځمکې دوسیې بحث او بررسۍ لاندې ونیول شوې.
د پورته ځمکو له جملو څخه، د مرکز د بوین او عسقلان ساحو ۱۳ جریبه ځمکه د هغې پر امارتي توب د هغو د متصرفینو له اقرار او اعتراف څخه وروسته، استرداد شوه او د هغې د اجارې ورکوونې په برخه کې لازمې لارښوونې وشوې.
د طاهریو ساحې د ۱۸ جریبه ځمکې دوسیې په برخه کې، له څېړنو څخه وروسته مشخصه شوه چې د امارتي ځمکې ۴۰ جریبه په دغې دوسیه کې د شاملو اشخاصو او افرادو په تصرف کې ده او یادې ځمکې امارتي تثبیت شوي دي. د کادستر ټیم موظف شو چې له نږدې څخه د ساحې لیدنه وکړي او هغه استرداد له پاره چمتو کړي.
په دغې ناسته کې، یو شمېر نورو موضوعات په اړه هم بحث او بررسي وشوه او د هغو په تړاو لازم تصمیمونه ونیول شول.
