په ۹ ولایتونو کې رسمي سندونو د ژباړې د تصدیق د نمایندګیو د فعالېدو په اړه د عدلیې وزارت خبرتیا!
د افغانستان اسلامي امارت د عدلیې وزارت د اصول جوړونې او د علمي – حقوقي څېړنو د چارو د انستیتوت عمومي ریاست د اصولي سندونو د ژباړې او د رسمي سندونو د تصدیق ریاست ګرانو هېوادوالو ته د اسانتیاوو د رامنځته کولو او د لا ښه خدمت د ترسره کولو لپاره له اړوندو ادارو سره په همغږۍ کې د رسمي سندونو د ژباړې د تصدیق په مرکزي امریت سربېره په (۹) ولایتونو کې د اړوندو ولایتونو د عدلیې ریاستونو په چوکاټ کې د رسمي سندونو دژباړې د تصدیق رسمي نمایندګۍ رامنځته او فعالې کړې دي ترڅو د رسمي سندونو د ژباړې د تصدیق لپاره مرکز ته له سفر څخه د ولایتونو د اوسېدونکو ستونزې لرې شي.
بنأ ګران هېوادوال کولای شي د خپلو رسمي سندونو د ژباړې د تصدیق له پاره د کندهار، هرات، بلخ، ننګرهار، بدخشان، خوست، نیمروز، قندوز او پکتیا ولایتونو کې، عدليې ریاستونو ته مراجعه کړي.
