په کندز کې د ۲ جریبه امارتي ځمکې استرداد
د کندز ولايت د ځمکو د غصب د مخنيوي د تخنيکي هئيت ناسته د روژې د مياشتې په ۷ مه نېټه د یکشنبې په ورځ د یاد هئيت د رئيس او غړو په ګډون جوړه شوه او د ځمکو د غصب اړوند یو شمېر دوسیې په کې تر بحث او بررسۍ لاندې ونيول شوې.
یاد هئيت په دې ناسته کې، د کندز ولایت د علي آباد ولسوالۍ په نو آباد ساحه کې د غصب شوې ځمکې په بررسۍ سره ۲ جریبه امارتي ځمکه استرداد کړه.
همدارنګه د دغې ناستې په ترڅ کې د یاد ولایت د قرغان تپې په ساحه کې د ۲ زره جریبه ځمکې، د څلورم لاله ميدانه په ساحه کې د ۱۳۰ جربیه ځمکې او یو شمېر نور موضوعات تر بحث او بررسي لاندې ونيول شول.