په کندز ولایت کې ۱۵ جریبه امارتي ځمکه تثبیت شوه
د کندز ولایت د ځمکو د غصب د مخنیوي تخنیکي هیئت په یوې ناسته کې چې د جمادي الثاني د میاشتې په ۲۵ نېټه د دوشنبې په ورځ یې جوړه کړه، د ځمکو د غصب اړوندو دوسیو په بررسۍ سره، د یاد ولایت په مرکز کې ۱۵ جریبه امارتي ځمکه تثبیت او تشخیص کړه.
یاده ځمکه د دغه ولایت د مرکز د کیله چي ساحې د ۲۷ جریبه ځمکې په دوسیه کې شامله ده چې ۱۵ جریبه تثبیت شوې ځمکه یې د سیند برخه او امارتي ده. هیئت د یادې ساحې د پاتې ځمکې په برخه کې لازمې لارښوونې صادر کړې.
په دې ناسته کې د دغه ولایت په بېلابېلو برخو کې د ۱۹۱ جریبه نورو ځمکو دوسیې هم بررسي شوې او په دې هکله لازمې لارښوونې وشوې.
