په کندز ولایت کې څه باندې ۳۶ جریبه ځمکه استرداد شوه
د کندز ولایت د ځمکو د غصب د مخنیوي د تخنیکي هیئت ناسته د محرم الحرام د میاشتې په ۲۱ نېټه د دوشنبې په ورځ د دغه هیئت د رئیس او غړو په حضور سره جوړه شوه او په هغې کې د علي آباد ولسوالۍ د طاهري ساحې او د حضرت امام صاحب ولسوالۍ شورکول، حلقه کول او خروټي ساحو دوسیه بحث او ارزونې لاندې ونیول شوه.
په پایله کې له بررسیو څخه وروسته د طاهریو ساحې ۳۶ جریبه او ۹ بسوې او ۱۵ بسواسې ځمکه چې مخکنۍ ناسته کې امارتي تثبیت شوې وه، د دغه هیئت له کاري کړنلارې سره سم استرداد شوه او د کمېسیون اجارې ورکوونې کړنلارې سره سم د هغې د اجارې ورکولو د پړاونو تېرولو لارښوونه صادر شوه.
په دغې ناسته کې، د حلقه کول ۱۲۰ جریبه ځمکې دوسیې په تړاو چې مخکنۍ اوونۍ کې امارتي تثبیت شوې وه او دغه راز د شور کول ۲۰ جریبه ځمکې دوسیې په تړاو هیئت توظیف شو ترڅو یادې ساحې سکیچ او کروکي کړي او د هغو راپور په راتلونکې ناسته کې وړاندې کړي.
