په کندز ولایت کې له يو شمېر دارالوکالو څخه نظارت ترسره شو
په کندز ولایت کې د شمالشرق زون د مدافع وکيلانو آمريت نظارتي پلاوي د جمادی الأولی د میاشتې په ۲۲مه نېټه د یکشنبې په ورځ، په کندز ولایت کې له شپږو دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل.
پلاوي، د یادو دارالوکالو نیمګړتیاوې مشخصې کړې او د نیمګړتیاو د لرې کولو په هکله یې د هغو متصدیانو ته لازمې توصیې وکړې.
همدارنګه، د دغه نظارت په ترڅ کې مدافع وکيلانو هم خپلې شته ستونزې نظارتي پلاوي سره شريکې کړې او د حل غوښتونکي شول چې د حل په برخه کې ډاډ ورکړل شو.
