په کندز ولایت کې د څه باندې ۱۹۰۰ جریبه امارتي ځمکې استرداد
د کندز ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۱۹ نېټې د دوشنبې په ورځ د دغه هیئت د رئیس او غړو په حضور سره جوړه شوه.
په دغې ناسته کې د امام صاحب ولسوالۍ د کندهاریو چهل کپې په ساحه کې د ۱۹۰۰ جریبه ځمکې د دوسیې او د یادې ولسوالۍ د باسوس په ساحه کې د ۱۰ جریبه ځمکې د دوسیې او د خلکو د یو شمېر عریضو په اړه بحث او خبرې وشوې.
په یاده ناسته کې تخنیکي هیئت د کندهاریو چهل کپې ساحې ۱۹۰۱ جریبه او ۱۴ بسوې ځمکه چې پخوا د هیئت د یو ټیم په واسطې بررسي شوې وه، د ځمکې په امارتي والي د هغې د متصرفینو د اعتراف پر بنسټ، استرداد کړه. هیئت مسؤولینو ته د دغې ځمکې د اجارې ورکولو د پړاوونو تېرولو په برخه کې لازمې لارښوونې وکړې.
دغه راز د باسوس ساحې ۱۰ جریبه ځمکې په هکله پریکړه وشوه چې یاده دوسیه په املاکي دفاترو کې د ځمکې شرعي قیدیت د انفصال په غرض، اړوندې محکمې ته واستول شي.
