په پکتیا کې د عدلیې ریاست او خیریه بنسټونو ترمنځ د همغږۍ ناسته ترسره شوه
د پکتیا ولایت د عدلیې رئیس مولوي فاتحالله فاتح د جمادیالثانی میاشتې په ۱۶ مه نېټه د یکشنبې په ورځ د یاد ولایت د یو شمېر خیریه بنسټونو له استازو سره د همغږۍ ناسته ترسره کړه.
په دې ناسته کې د عدلیې رئیس په خپلو خبرو کې یې ټینګار وکړ چې خیریه بنسټونه باید خپل فعالیتونه د قوانینو او اصولو مطابق ترسره کړي. همدارنګه نوموړي له خیریه بنسټونو وغوښتل چې د خپلو فعالیتونو راپورونه له عدلیې ریاست سره شریک کړي او مرستې پر مستحقو او بېوزلو خلکو ووېشي.
په دې ناسته کې د کار او ټولنیزو چارو رئیس هم ګډون درلود او په خپلو خبرو کې یې د ټولنیزو ستونزو په لرې کولو کې د خیریه بنسټونو رول ته اشاره وکړه او هغه یې ارزښتناکه وباله.
په ورته مهال په دې غونډه کې د خیریه بنسټونو استازو خپل نظریات، ستونزې او وړاندیزونه له عدلیې ریاست سره شریک کړل او د عدلیې ریاست مسؤولینو د لازمې همکارۍ او د ستونزو د حل په برخه کې هغوی ته ډاډ ورکړ.
