په پکتیا ولایت کې د یو شمېر عریضه ليکونکو د فعالیت نظارت کېدل
د پکتیا ولایت د عدلیې رياست د انسجام عمومي مدیریت نظارتي پلاوي د یاد ولایت د مرافعې محکمې او مستوفیت د استازو په ګډون د ربیعالآخر د مياشتې په ۲۹ او ۳۰ مه نېټه د دوشنبې او سهشنبې په ورځو، د یاد ولایت په مرکز ګردیز ښار کې د ۱۳ تنو عریضه ليکونکو له فعالیت څخه نظارت ترسره کړ.
نظارتي پلاوي د دغه نظارت په ترڅ کې د عریضه ليکونکو ستونزې او کاري نيمګړتیاوې مشخصې کړې او د ستونزو او نیمګړتیاو د لرې کولو په موخه یې یادو عریضه لیکونکو ته لازمې توصیې او لارښوونې وکړې.
د پکتیا ولایت، عدلیې رياست په دوامداره توګه په یاد ولایت کې د عریضه لیکونکو له فعالیت څخه نظارت ترسره کوي تر څو د غير قانوني فعالیتونو مخنيوی وشي او د خلکو په کارونو کې هم آسانتیاوې رامنځته شي.
