په پکتیا ولايت کې د موټر پلورنځيو او د معاملاتو لارښوونې د یو شمېر دفترونو بررسي او نظارت کېدل
د پکتیا ولایت د عدلیې رياست نظارتي پلاوي، د شوال د مياشتې په ۱۳مه نېټه د سه شنبې په ورځ د ياد ولایت په مرکز، ګردیز ښار کې د موټر پلورنځيو او معاملاتو لارښوونې له یو شمېر دفترونو څخه نظارت ترسره کړ او د هغو فعالیتونه یې بررسي کړل.
د دغه نظارت او بررسۍ په ترڅ کې د معاملاتو لارښوونې یو دفتر د غیرقانوني فعالیت له امله وتړل شو او د موټر پلورنځيو او معاملاتو لارښوونې نورو دفترونو موجودې نيمګړتياوې هم مشخصې شوې او د حل په برخه کې لازمې توصیې وشوې.
د پکتیا ولایت عدلیې رياست په یاد ولایت کې په دوامداره توګه د معاملاتو لارښوونې او موټر پلورنځیو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
