په پروان ولایت کې ۶۸ جریبه ځمکه امارتي تثبیت شوه
د پروان ولایت د ځمکو د غصب د مخنيوي تخنيکي هيئت، د محرم الحرام د مياشتې په ۱۱ مه نېټه د چهار شنبې په ورځ د غصب شويو ځمکو د بررسۍ په موخه د یاد ولایت د غوربند سياه ګرد ولسوالۍ ته سفر وکړ.
تخنيکي هيئت د یاد سفر په ترڅ کې د یادې ولسوالۍ له ولسوال سره له ناستې څخه وروسته تر دعوا لاندې ۸ جریبه ځمکه بررسي کړه او په پایله کې یاده ځمکه چې په دولتي املاکو کې ثبت وه او د ۵۹ مې کدستري ټوتې اړوند وه، امارتي تثبیت شوه او په یادو ځمکو کې د هر ډول نويو تصرفاتو مخنیوی وشو.
همدارنګه تخنيکي هيئت د محرم الحرام د مياشتې په ۱۲ مه نېټه د پنجشنبې په ورځ د دعوا لاندې ۶۰ جریبه ځمکې د بررسۍ په موخه دوهم ځل لپاره دې ولسوالۍ ته سفر وکړ چې د بررسۍ په پایله کې مشخصه شوه چې یاده ځمکه د ۳۹۳ کادستري ټوټې اړوند او په امارتي املاکو کې ثبت ده، د هیئت له لورې امارتي تثبیت او تشخیص شوه.
