په نیمروز ولایت کې له یو شمېر دارالوکالو څخه نظارت ترسره شو
د نيمروز ولایت د عدلیې رياست نظارتي پلاوي، د محرمالحرام د مياشتې په ۲۳مه نېټه د شنبې په ورځ، په مرکز زرنج ښار کې ۶ دارالوکالو څخه نظارت ترسره کړ او د هغو فعاليتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور اړين سندونه بررسي کړل.
پلاوي، د یادو دارالوکالو یو شمېر نیمګړتیاوې مشخصې کړې او د نیمګړتیاو د لرې کولو په هکله یې د هغو متصدیانو ته لازمې توصیې وکړې.
د نیمروز ولایت د عدلیې رياست په یاد ولایت کې له اړوند برخو څخه په دوامداره توګه نظارت ترسره کوي تر څو د غيرقانوني فعاليتونو مخنيوی وشي.
