په ننګرهار کې د معاملو د لارښوونې ۱۳ دفترونه د غیر قانوني فعالیت له امله و تړل شول
د ننګرهار د عدلیې ریاست، د ۱۴۰۱ د وري په ۲مه د سې شبنې په ورځ، د دې ښار د اتمې ناحیې اړوند د کنړ او جلال آباد په عمومي سړک واقع د معاملو د لارښوونې دفترونه وکتل او وڅارل.
د ننګرهار د عدلیې ریاست د څېړنې پلاوي د څارنې په بهیر کې د معاملو د لارښوونې ۱۳ دفترونه د سندونو د نه لرلو او غیر قانوني فعالیت له امله وتړل(مهراولاک) کړل.
دغه پلاوی چې د ملي امنیت استازی هم په کې شامل دی، د یوه منظم پلان پربنسټ د جلال آباد په ښار کې د معاملو د لارښوونې له دفترونو څخه د څارنې پروسه پیل کړې چې تر اوسه یې ددې ښار په څو ناحیو کې د معاملو د لارښوونې ۱۱۶ دفترونه تړلي دي.
د ننګرهار د عدلیې ریاست په هېڅ ډول د معاملو د لارښوونې دفترونو ته د غیر قانوني فعالیت اجازه نه ده ورکړی او هغوی یې مکلف کوي تر څو د فعالیت قانوني جواز ترلاسه کړي.
