په ننګرهار ولایت کې په ۸۰۰ جریبه ځمکه د نويو تصرفاتو مخنيوی وشو
د ننګرهار ولایت د ځمکو له غصب څخه د مخنيوي تخنيکي هيئت د ذوالقعدې د میاشتې په ۶مه نېټه د شنبې په ورځ، د غصب شويو ځمکو د تشخیص لپاره د سرخرود ولسوالۍ، کاریز کړوم سیمې ته سفر وکړ.
د دې سفر پر مهال تخنيکي پلاوي په یاده سیمه کې پر اته سوه (۸۰۰) جریبه ځمکه، چې د تخنيکي هيئت تر بررسۍ لاندې ده، د نويو تصرفاتو مخنيوی وکړ.
پلاوي د سیمې له اوسېدونکو سره په خبرو کې ټينګار وکړ چې په دې ساحه کې له هر ډول نويو تصرفاتو څخه ډډه وکړي او د امارتي ځمکو د غصب د مخنيوي په برخه کې دې له اسلامي امارت سره همکاري وکړي.
