په ننګرهار ولایت کې له یو شمېر موټر پلورنځیو څخه نظارت ترسره شو
د ننګرهار ولایت د عدلیې رياست نظارتي پلاوي د ربیعالآخر د مياشتې په ۷مه نېټه د سهشنبې په ورځ د یاد ولایت په مرکز جلال اباد ښار په څلورمه ناحیه کې له یو شمېر موټر پلورنځیو څخه نظارت ترسره کړ او د هغو فعاليتونه یې بررسي کړل.
نظارتي پلاوي د یادو پلورنځيو د فعاليت جوازونه، رسمي سټې، د ثبت کتابونه او یو شمېر نور اړين اسناد بررسي کړل.
نظارتي پلاوي د موټر پلورنځيو په فعاليتونو کې یو شمېر ستونزې او نيمګړتياوې مشخصې کړې او د یادو ستونزو د حل او د کاري چارو ښه پر مخ وړولو په موخه لازمې توصیې وکړې.
د ننګرهار ولایت عدلیې رياست په دوامداره توګه له اړوندو برخو څخه نظارت ترسره کوي تر څو د غير قانوني فعاليتونو مخنيوی وشي.
