په ننګرهار ولايت کې د امارتي ځمکو له غصب څخه مخنیوی وشو
د ننګرهار ولايت د ځمکو له غصب څخه د مخنيوي تخنیکي هيئت د رجب المرجب د مياشتې په ۲۶مه نېټه د دوشنبې په ورځ، د غصب شويو ځمکو د بررسۍ په موخه د ياد ولايت سرخرود ولسوالۍ ته سفر وکړ.
تخنيکي هيئت د يادې ولسوالۍ کاريز کړوم ساحې د کتنې په ترڅ کې پر امارتي ځمکو د يو شمېر نويو تصرفاتو مخه ونيوله او جوړ شوي تاسيسات يې په کې ويجاړ کړل.
همدارنګه تخنیکي هيئت د سيمي پر اوسيدونکو ټينګار وکړ چې هيچا ته به اجازه ورنه کړي چې امارتي ځمکې غصب کړي. دغه راز هیئت له هغوی څخه وغوښتل تر څو د ځمکو له غصب څخه د مخنيوي په برخه کې همکاري وکړي.
