په میدان وردګ ولایت کې د څه باندې ۱۴۱۶ جریبه ځمکې بررسي کېدل
د میدان وردګ ولایت د ځمکو له غصب څخه د مخنیوي تخنیکي هیئت ناسته د شعبان د مياشتې په ۱۰ مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
د تخنیکي هیئت په دې ناسته کې د میدان وردګ ولایت د سيد اباد ولسوالۍ اړوند په سي سۍ دښته کې د څه باندې یو زرو څلور سوه شپاړس (۱۴۱۶) جریبه ځمکې دوسیې په اړه بحث او خبرې وشوې.
هیئت پرېکړه وکړه چې، د یادې ځمکې دوسیه دې د وروستۍ پرېکړې په موخه مرکزي کمېسيون ته واستول شي.
همدارنګه په دې ناسته کې د ميدان وردګ ولایت په بېلابېلو ساحو کې د غصب اړوند یو شمېر نورې دوسیې هم بررسي شوې او په اړه یې لازم تصاميم ونيول شول.
