په لوګر کې د عریضه لیکنې ۶ دفترونه د غیرقانوني فعالیت له امله وتړل شول
د لوګر ولایت د عدلیې رياست نظارتي پلاوي، د صفرالمظفر د میاشتې په ۱۸ مه نېټه د سهشنبې په ورځ په ياد ولایت کې د یو شمېر عریضه ليکونکو له فعالیت څخه نظارت ترسره کړ.
یاد نظارتي پلاوی چې په ترکیب کې یې د لوګر ولایت د مستوفیت او امنیه قومندانۍ استازي هم شامل ول، په یاد ولایت کې د ۹ عریضه ليکونکو له فعالیت څخه نظارت او بررسي ترسره کړه.
د یاد نظارت په ترڅ کې د عریضه لیکنې ۶ دفترونه چې په غير قانوني ډول یې فعاليت کاوه وتړل شول او پاتې نورو عریضه ليکونکو ته د موجودو ستونزو د حل کولو او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
