په لوګر ولایت کې د ۴۰۰ جریبه امارتي ځمکې تشخيص کېدل
د لوګر ولایت د ځمکو له غصب څخه د مخنیوي تخنیکي هیئت ناسته د ذیالحجې د مياشتې په ۲۶مه نېټه د دوشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د محمد آغې ولسوالۍ اړوند په زرغون ښار ساحه کې د څلور سوه (۴۰۰) جریبه ځمکې په اړه بحث وشو او ترڅ کې یې یاده ځمکه امارتي تشخیص شوه.
هيئت پرېکړه وکړه چې د یادې ځمکې دوسیه دې د وروستۍ پرېکړې په موخه مرکزي کمېسيون ته واستول شي.
همدارنګه په ياده ناسته کې د لوګر ولایت په نورو ساحو کې د غصب شويو ځمکو اړوند یو شمېر دوسیې بررسي شوې او په اړه یې لازم تصاميم ونيول شول.
