په لغمان ولایت کې د یو شمېرموټر پلورنځیو له فعالیتونو څخه نظارت ترسره شو
د لغمان ولایت د عدلیې ریاست تر مشرۍ لاندې د معاملاتو لارښوونې دفترونو څخه ګډ نظارتي پلاوي د ذوالحجې د مياشتې په ۲۲مه نېټه د دوشنبې په ورځ، په دغه ولایت کې له یو شمېر موټر پلورنځيو څخه نظارت ترسره کړ او د هغو فعاليتونه یې بررسي کړل.
نظارتي پلاوي د نظارت په ترڅ کې د یادو موټر پلورنځيو د فعالیت قانوني جوازونه، د ثبت کتابونه، رسمي سټې او اړوند نور اسناد بررسي کړل.
د بررسۍ پر مهال، د یادو موټرپلورنځیو په کاري چارو کې یو شمېر نیمګړتیاوې مشخصې شوې او مسؤولینو ته یې د اصلاح په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
