په عدلیې وزارت کې، د فرمانونو او حکمونو د تعقیب او نظارت د لوی ریاست د تشکیل د بررسۍ په منظور د ناستې جوړیدل
د فرمانونو او حکمونو د تعقیب او نظارت د لوی ریاست د تشکیل د بررسۍ په منظور د عدلیې وزارت د سرپرست شیخ الحدیث مولوي عبدالحکیم شرعي په مشرۍ په عدليې وزارت کې ناسته جوړه شوه.
په دغې ناسته کې چې د شوال میاشت په ۲۶ نېټه د سه شنبې په ورځ د عدلیې وزارت په مقر کې جوړه شوې وه، د ریاست الوزرا د ریاست د دفتر رئیس ډاکټر عبدالواسع خادم، د چارو د ادارې د لوی ریاست د دفتر رئیس مولوي عبدالولي صدیقي، د سترې محکمې استازي مفتي حزب الله ابراهیمي، د عدليې وزارت د تقنین لوی رئیس مفتي فضل هادي صاحب زاده، د عدلیې وزارت د بشري سرچینو رئیس مفتي رحمت الله حلیم او د فرمانونو او حکمونو د تعقیب او نظارت د لوی ریاست استازو هر یو مفتي اظهارالحق حقاني، استاد عبدالبصیر خالد، سید علم اسحق زي او عبدالوهاب صافي ګډون کړی وو.
په دغې ناسته کې، د فرمانونو او حکمونو د تعقیب او نظارت د لوی ریاست تشکیل د دغه ریاست له نوي قانون سره سم و ارزول شو او د تعیین شوي هیئت د یاد ریاست د استازو اړتیاوې واوریدلې او دغې برخه کې یې لازم تصمیمونه ونیول.
د عالیقدر امیرالمومنین حفظه الله د حکم پر اساس، د عدليې وزیر په مشرۍ او د چارو د ادارې، سترې محکمې او د اداري چارو د کمېسیون د استازو په غړیتوب یو هیئت رامنځته شو ترڅو د فرمانونو او حکمونو د تعقیب او نظارت د لوی ریاست په تشکیل کار وکړي او د دغه ریاست د نوي قانون په پام کې نیولو سره د هغه تشکیل بررسي کړي.