په شپاړسو ولایتونو کې څه باندې ۱۸۰۰ تنو ته حقوقي پوهاوی وړاندې شو
د عدلیې وزارت د حقوقي مرستو رياست، په مرکز او ولایتي آمریتونو یې په پنځلسو نورو ولایتونو کې ۱۸۷۹ تنو ته د حقوقي پوهاوي ورکولو برنامې وړاندې کړې.
دا برنامې د محرم الحرام د مياشتې په ۲۱، ۲۲ او ۲۳ مه نېټه د شنبې، یکشنبې او دوشنبې په ورځو کې د مرکز په ګډون په کنړ، غور، بلخ، باد غيس، میدان وردګ، پکتیا، ننګرهار، هلمند، سمنګان، خوست، بامیان، جوزجان، کندهار، تخار او لوګر ولايتونو کې وړاندې شوې او په ترڅ کې یې د عدلیې وزارت د پېژندنې، د اسلام او شریعت په رڼا کې د اولادونو روزنه، د هېوادوالو د حقوقو او مکلفیتونو او د ورته نورو مهمو موضوعاتو په اړه پوهاوی ورکړل شو.
د عدلیې وزارت د مرکز په ګډون د هېواد په ټولو ولایتونو کې د حقوقي پوهاوي ورکولو برنامې جوړوي او موخه یې دا ده چې خلک په خپلو حقوقو پوه شي او د خپل ورځني ژوند د حقوقي ستونزو په لرې کولو کې ورڅخه ګټه پورته کړي.
