په سمنګان ولایت کې د معاملاتو لارښوونې له یو شمېر دفترونو څخه نظارت ترسره شو
د سمنګان ولایت د عدلیې رياست تر مشرۍ لاندې د کورونو د کرایې د کنټرول ګډې کمېټې، د جمادیالثانی د مياشتې په ۲۳مه نېټه د یکشنبې په ورځ په یاد ولایت کې د معاملاتو لارښوونې له ۸ دفترونو او ۷ استوګنيزو بلاکونو څخه نظارت ترسره کړ.
د یاد نظارت په ترڅ کې د معاملاتو لارښوونې دفترونو متصديانو او د بلاکونو استازو ته توصیه وشوه چې له هغو معاملاتو ډډه وکړي چې د کورونو د کرایې د لوړېدو لامل ګرځي او د هغو کورنو په کرایې ورکولو څخه هم ډډه وکړي چې د ۱۴۰۳ کال پرتله یې کرایه له لس سلنې څخه ډېره شوې وي او د جعلي سټو څخه ډډه وکړي او پرځای یې له رسمي سټو څخه ګټه پورته کړي.
د کورونو د کرایې د کنټرول ګډه کمېټه په مرکز کې د عدلیې وزارت په مشرۍ او په ولایتونو کې د عدلیې ریاستونو په مشرۍ په جدي ډول د کورونو د کرایې له قراردادونو څخه نظارت ترسره کوي او د کرایې د زیاتوالي یا د غیر رسمي قرارداد د مشاهدې په صورت کې به له سرغړونکو اشخاصو سره جدي چلند وکړي.
