په سمنګان ولایت کې د تېرې یوې میاشتې په اوږدو کې څه باندې د ۱۷۰۰ جریبه امارتي ځمکې استرداد
د سمنګان ولایت د ځمکو د غصب د مخنیوي تخنیکي هیئت د ۱۴۴۵ هجري قمري کال د محرم الحرام د میاشتې په ترڅ کې د دغه ولایت د حضرت سلطان ولسوالۍ د یکه توت کلي د مهاجرینو د ښارګوټي په ساحې کې ۱۷۰۰.۲۴ جریبه امارتي ځمکه استرداد کړې او د هغو اړوندو ادارو ته یې تسلیم کړې ده.
په همدې توګه یاد شوي هیئت د یادې میاشتې په اوږدو کې د دغه ولایت د مرکز په رباطک کلي کې ۱۹۰۲.۲۴ جریبه امارتي ځمکه چې د تېلو ۱ ټانک، ۲ رستورانتونه، ۶۲ دوکانونه او د مخابراتي شبکې ۱ آنتن په کې شامل دي تشخیص او تثبیت کړي او په دغه کلي کې ۲۱۴۰.۲۴ جریبه د څړځای ځمکه د یاد هیئت تر بررسۍ لاندې ده.
