په جوزجان ولایت کې د کابو ۱۵۵۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د ربیع الثاني د مياشتې په ۲۷ مه نېټه، د چهارشنبې په ورځ د دغه هیئت د رئیس او غړو په ګډون ترسره شوه.
د تخنیکي هيئت په دې ناسته کې، د یاد ولایت د فیض اباد ولسوالۍ په کوکلداش کلي کې د نهه سوه نهه نوي اعشاريه اولس (۹۹۹،۱۷) جریبه امارتي ځمکې او همدارنګه د یاد ولایت د مرکز اړوند په شورجر افغانیه کلي کې د پنځهسوه پنځه څلوېښت (۵۴۵) جریبه امارتي ځمکې دوسیې تر بحث او بررسي لاندې ونيول شوې.
هيئت پرېکړه وکړه چې د یاد ولایت د فیض اباد ولسوالۍ په کوکلداش کلي د امارتي ځمکې دوسیې په اړه املاکي څېړنې ترسره شي او همدارنګه د یاد ولایت د مرکز اړوند په شورجر افغانیه کلي کې د امارتي ځمکې په اړه هدایت ورکړل شو چې یاده شوې دوسیه دې د راتلونکو اجراآتو په موخه مرکزي کمېسيون ته واستول شي.
همدارنګه په یاده ناسته کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه یې لازمې تصامیم ونیول شول.
