په تېرې یوې میاشت کې څه باندې د ۲۱ زره جریبه امارتي ځمکې استرداد
د هېواد په ۸ ولایتونو د ځمکو د غصب د مخنیوي تخنیکي هیئتونو د ۱۴۴۵ هجري قمري کال د جمادي الاول د میاشتې په اوږدو کې کابو ۲۱ زره او ۵۹۵.۶۷۷ جریبه امارتي ځمکه له بررسۍ او تثبیت څخه وروسته، استرداد کړې او اړوندو ادارو ته یې سپارلې ده.
دغه راز د ځمکو د غصب د مخنیوی تخنیکي هیئتونو د یادې میاشتې په اوږدو کې ۴ میلیونو ۱۳۹ زره او ۸۳۳.۸۸۰ جریبه امارتي ځمکه د افغانستان په ۲۲ ولایتونو کې تثبیت کړې او په ولایتونو کې يې ۷۷۴ زره او ۲۵۵.۲۶۰ جریبه نوره ځمکه هم تر بررسۍ لاندې نیولې ده. د وروستۍ میاشتې په اوږدو کې تر ټولو زیاتې استرداد شوې ځمکې په پروان، زابل، کندز او سمنګان ولایتونو کې موقعیت لري.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د زرګونو جریبه غصب شویو امارتي ځمکو دوسیې، د ولایتونو د ځمکو د غصب د مخنیوي د تخنیکي هیئتونو تر بررسۍ لاندې دي.
