په تېره یوه میاشت کې په ۲۱ ولایتونو کې د څه باندې ۲۳۲ زره جریبه امارتي ځمکې تثبیت
د ځمکو له غصب څخه د مخنیوي کمېسیون او تخنیکي هیئتونو يې په ولایتونو کې د ۱۴۴۵ هجري قمري کال د ذوالحجې د میاشتې په اوږدو کې د هېواد په ۲۱ ولایتونو کې کابو ۲۳۲ زره او ۱۸۰ جریبه امارتي ځمکه تثبیت کړې ده.
په همدې موده کې په کندز ولایت کې ۶۲ جریبه ځمکه هم استرداد شوې او اړوندو ادارو ته یې سپارل شوې ده.
دغه راز د ځمکو له غصب څخه د مخنیوي تخنیکي هیئتونو د تېرې میاشتې په ترڅ کې د هېواد په کچه څه باندې ۳۰۴ زره او ۸۱۱ جریبه ځمکه بررسي کړې ده.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د غصب شویو زرګونو جریبو امارتي ځمکو دوسیې، د ځمکو د غصب د مخنیوي کمېسیون او په ولایتونو کې د یاد کمېسیون د تخنیکي هیئتونو تر بررسۍ لاندې دي.
