په بلخ ولایت کې له يو شمېر دارالوکالو څخه نظارت ترسره شو
د شمال زون د مدافع وکيلانو آمريت نظارتي پلاوي، د شوال د میاشتې په ۱۸مه نېټه، د یکشنبې په ورځ، د بلخ ولایت د مرکز، مزار شريف ښار اړوند په پنځمه ناحیه کې له ۶ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، د ثبت کتابونه، لوحې او نور سندونه بررسي کړل.
مؤظف پلاوي، د یادو دارالوکالو په فعاليتونو کې یو شمېر نیمګړتیاوې مشخصې کړې او د یادو ستونزو او نیمګړتیاوو د لرې کولو په برخه کې یې د هغو متصدیانو ته لازمې توصیې وکړې.
د شمال زون د مدافع وکيلانو آمريت په دوامداره توګه د هېواد په شمال ولایتونو کې له دارالوکالو څخه نظارت ترسره کوي ترڅو له غير قانوني فعالیتونو څخه مخنيوی وشي.
