په بلخ ولایت کې د ۲۸۵ جریبه امارتي ځمکې تشخيص
د بلخ ولایت د ځمکو له غصب څخه د مخنیوي تخنیکي هیئت ناسته د شوال د مياشتې په ۵ مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د مزار شریف په شمال ختيځ لوري کې د دوه سوه پنځه اتيا (۲۸۵) جریبه ځمکې په اړه بحث او خبرې وشوې او په ترڅ کې یې یاده ځمکه امارتي تشخيص شوه.
همدارنګه، په دې ناسته کې د بلخ ولایت په بېلابېلو ساحو کې د څه باندې پنځلس زره شپږ سوه دوه دېرش (۱۵۶۳۲) جریبه غصب شویو ځمکو اړوند دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
