په بلخ ولایت کې د کابو ۳ زره جریبه امارتي ځمکې تثبيت او تشخیص
د بلخ ولایت د ځمکو له غصب څخه د مخنیوي تخنیکي هیئت ناسته، د شعبان د میاشتې په ۲۰ مه نېټه د چهارشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د یاد ولایت د مرکز اړوند په دشت شاديان دښته کې د څه باندې دوه زره شپږ سوه اووه پنځوس (۲۶۵۷) جریبه ځمکې، د نهر شاهي ولسوالۍ په قلعه حجري ساحه کې د څه باندې درې سوه درې (۳۰۳) جریبه ځمکې او په کلدار ولسوالۍ کې د څه باندې دولس جریبه ځمکو دوسیې تر بحث او بررسۍ لاندې ونيول شوې او په ترڅ کې یې یادې ځمکې امارتي تثبیت او تشخيص شوې.
هيئت پرېکړه وکړه چې د یادو ځمکو دوسیې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د بلخ ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
