په بدخشان ولایت کې د ۱۱۶ جریبه امارتي ځمکې استرداد
د بدخشان ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۹ مه نېټه د یکشنبې په ورځ، د یاد هيئت د رئيس او غړو په ګډون جوړه شوه.
په دې ناسته کې تخنيکي هيئت د فیض آباد ولسوالۍ په دوهمه ناحیه کې د ارشاد حج او اوقاف رياست اړوند یو سل شپاړس (۱۱۶) جریبه امارتي ځمکه چې له دې وړاندې امارتي تثبیت کړې وه د ځمکو له غصب څخه د مخنيوي او د غصب شويو ځمکو د استرداد کمېسيون د پرېکړې په اساس استرداد کړه.
هيئت پرېکړه وکړه چې د یادې ځمکې دوسیه دې د لازمو اجرآاتو په موخه اړوندې ادارې ته واستول شي.
همدارنګه، په ياده ناسته کې د بدخشان ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
