په ارزګان ولایت کابو ۴۲۰ جریبه امارتي ځمکه تشخیص شوه
د ارزګان ولایت د ځمکو له غصب څخه د مخنيوي تخنيکي هيئت ناسته د ربیعالاول د مياشتې په لومړۍ نېټه د دوشنبې په ورځ، د دغه هيئت د رئيس او غړو په ګډون ترسره شوه.
د تخنيکي هيئت په دې ناسته کې د ارزګان ولایت د مرکز، ترینکوټ ښار اړوند په ناقل کلي کې د کابو څلور سوه شل (۴۲۰) جریبه ځمکې دوسیه تر بحث او بررسي لاندې ونيول شوه او په ترڅ کې یې یاده ځمکه امارتي تشخیص شوه.
هيئت پرېکړه وکړه د یادې ځمکې دوسیه دې د وروستنۍ پرېکړې په موخه مرکزي کميسيون ته واستول شي.
همدارنګه په دې ناسته کې د ارزګان ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بررسۍ لاندې ونيول شوې او په اړه یې لازمې پرېکړې وشوې.
