پنجشیر ولایت کې نږدې ۱۲ جریبه ځمکه وقفي تثبیت شوه
د پنجشیر ولایت د ځمکو د غصب د مخنیوي د تخنیکي هیئت رئیس او غړي د جمادي الاول میاشتې په ۵ نېټې د یکشنبې په ورځ له ځايي ادارې سره د همغږۍ او د غصب شویو ساحو د تثبیت او تشخیص په غرض د یاد ولایت عنابې ولسوالۍ ته لاړ او د ځمکو د غصب د مخنیوي په برخه کې عملي اقدامات ترسره کړل.
په پیل کې دغه هیئت د یادې ولسوالۍ له ولسوال او سیمه ییزو مسؤلینو سره وکتل او هغوی ته یې په ولایتونو کې د ځمکو د غصب د مخنیوي تخنیکي هیئتونو رامنځته کیدو په اړه معلومات ورکړل او له دغه هیئت سره د یادې ولسوالۍ د سیمه ییزو مسؤلینو د همکارۍ غوښتونکی شو.
وروسته تخنیکي هیئت د عنابې ولسوالۍ د مرکز ساحې ته ولاړ او په دغې ساحې کې یې ۱۱.۸۲ جریبه وقفي ځمکه تثبیت او سکیچ کړه.
