پروان ولایت کې څه دپاسه ۳۱۰ جریبه ځمکه تصفیه شوه
د پروان ولایت د ځمکې د غصب د مخنیوي تخنیکي هیئت ددغه ولایت د بګرام ولسوالۍ خم کلان ساحې ته ولاړ او د څینزویو قوم د ځمکو د قطعې شمېره، مساحت، موصوبه، حدود، د غاصب شهرت، د تاسیساتو ډول او اوسنۍ بیه دغې ساحه کې مشخصه کړه.
یاد هیئت ، ددغه کار په پایله کې ۳۱۰.۷۵۸ جریبه ځمکه او کورونه په دغې ساحه کې تصفیه کړل.
په همدې حال کې، د پکتیکا ولایت د تخنیکي هیئت ناسته ددغه هیئت د رئیس او غړو په حضور سره جوړه شوه او پکې د تخنیکي هیئت د ټولو نیمګړو کاروونو پر بشپړولو ټینګار وشو.
په دغې ناسته کې د دیلي ولسوالۍ د لورګي ساحې د ځمکې په اړه بحث وشو او د مسلکي ټیم لخوا د ساحې د لیدلو او د هغې پر بررسۍ پریکړه وشوه.
دغه راز یاد شوي هیئت، د یحيا خیل ولسوالۍ د زانګو قوم له مشرانو سره وکتل او له هغوی څخه یې د الله اکبر دښتې په اړه معلومات وغوښتل. هغوی وویل چې یادې شوې ځمکې د هغوی له نیکونو څخه پاتي دي او ژمنه یې وکړه چې د اسلامي امارت اصولو ته ژمن دي.
