میدان وردک ولایت کې ۴۸۸ جریبه ځمکه بررسي لاندې ونیول شوه
د میدان وردک ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۱۳ نېټه د یکشنبې په ورځ د دغه هیئت د رئيس او غړو په حضور سره جوړه شوه او په دغه ولایت کې د ځینو تصرف شویو ساحو سندونه د بررسۍ او تطبیق او د هغو د متصرفینو تشخیص له پاره، د بررسۍ ټیمونه او د هغې نیټه په کې مشخصه شوه.
بله ورځ له تخنیکي هیئت څخه یو ټیم د یاد ولایت د مرکز اړوند د کوټه عشرو په ساحه کې د ۴۸۸ جریبه ځمکې د متصرفینو له خوا د وړاندې شویو سندونو بررسۍ او تطبیق په منظور یادې ساحې ته روان شو.
یاد هیئت د متصرفینو په حضور کې وړاندې شوي سندونه تطبیق کړل او د ټولو تصرف شوو ساحو کروکي یې واخیسته.
