فراه ولایت کې څه دپاسه ۱۰۰۰ جریبه ځمکه امارتي تثبیت شوه
د فراه او پنجشیر ولایتونو د تخنیکي هیئتونو ناسته ددغو هیئتونو د رییسانو او غړو په حضور سره جوړې شوې او هم یادو ولایتونو کې له ځینو غصب شوو ساحو څخه لیدنه وشوه.
د فراه ولایت تخنیکي هیئت ددغه ولایت د مرکز غلامان ساحې ته ولاړ او ۱۰۳۲ جریبه امارتي عامه مرعی ځمکه یې تثبیت او تشخیص کړه.
یاد ځمکه کې کرنیزه، مواته او عامه مرعی ځمکې شاملې دي. دغو ځمکو کښې د یو شمېر اشخاصو او افرادو لخوا تاسیسات لکه سرپناه، کورونه او څاګانې جوړې شوي او د هیئت لخوا هغوی ته قانوني لارښوونې صادر شوې.
په همدې حال کې، د پنجشیر ولایت د تخنیکي هیئت په ناسته کې پریکړه وشوه چې ددغه ولایت په عنابه ولسوالۍ کې د امارتې ځمکې د تثبیت کار د مناسبو هوا حالاتو له مساعد کېدو، له سره پیل او بشپړ شي.
دغې ناسته کې، د هیئت د کاري کړنلارې مسوده غونډې ته وړاندې شوه او په اړه یې بحث وشو او پریکړه وشوه چې د هیئت دغړو نظرونه پکښې ځای پرځای شي.
